Farándula di Kòrsou ta bai konosé un banda nobo

316
E tin agènda di Replay Band den su man.

WILLEMSTAD,—-Di informashon ku a drenta na mesa di redakshon di ’E Mulina’, ta bisa ku despues di temporada di Karnaval 2019, farándula di Kòrsou ta bai konosé un agrupashon musikal nobo. Nòmber di e agrupashon musikal ta “Replay Band”.

Ta trata aki di un banda ku ta forma pa 10 músiko i nan ta entre 18 pa 25 aña di edat. Di loke ku nos ta na altura di dje ta ku Naftaniel Bart ta na kabes di Replay Band i komo manager nan tin e barbero Ivo Pinto. Esaki ta nifiká ku den 2019 farándula di Kòrsou ta bai haña un agrupashon musikal nobo forma pa hóben.

‘E Mulina’, tin informashon ku gerente di e agrupashon musikal nobo Replay Band tin plan nan grandi pa ku nan debut, pues tur hende keda pendiente pa mas informashon rondó di e banda nobo Replay Band ku ta bin kaya ku algun piesa nobo tambe. Nos sin duda ta bai sigui e agrupashon musikal nobo aki hopi mas di aserka, i for di awe nos ta yama nan un bon bini den nos farándula lokal.