Forma pa Lady Su Mr Black Ponche Martis i Marlon Victorina

270
Su nòmber ta hopi haltu pone riba e lista.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku, tin plan serio pone riba mesa pa lanta un agrupashon musikal nobo den nos farándula, e banda aki ta bai move den ámbito di Kòmbèk, tambe nos a haña informashon ku e posibel front lo bai keda forma pa Mr. Black, Lady Su, Ponche Martis i Marlon Victorina.

Si e plan aki kristalisá nos mester bisa ku front ta un front hopi peligroso pa farándula di Kòrsou, i di otro banda nos mester bisa ku ámbito di Kòmbèk ta bai bira mas atraktivo pa bailadores nan ku e ta na e momentu nan aki. Paso sigur ta trata aki di kuater super bon kantante den nos farándula.

Mas informashon ku a drenta serka nos ta bisa ku, un músiko kompositor areglista yu di Kòrsou ku biba na Hulanda ta esun ku ta bai lanta e banda nobo den nos farándula lokal, nos tin mas informashon rondó di e posibel front ariba menshoná,pero pa mañan nos ta bin aden ku mas informashon, paso sin duda ámbito di Kòmbèk ta bai bira hopi interesante.