Informashon ku a drenta ta bisa ku Titi a bai biba Hulanda

472
Tin rumor ku e la bai biba Hulanda.

WILLEMSTAD,—-Tal manera ku nos a bin ta bisa ya pa algun siman tras di otro ku den 2019 ta bisa ku farándula di Kòrsou ta bai konosé masha hopi moveshon ku sin duda ta bai hala masha hopi atenshon.

For di den luna di desèmber nos a bisa ku e popular kantante Titi ku ta forma parti di Grupo Ruta a sali pa Hulanda, ya for di e tempu ei nos a haña informashon ku e kantante en kestion a bai biba na Hulanda. Mes ora nos a drenta den kontakto ku gerente di e grupo di Tambú, i nos a bisé di e informashon ku nos ta disponé di dje rondó di Titi, mester bisa ku gerente di e grupo a bisa nos ku ta pa un siman Titi a bai Hulanda, loko ku gerente di Grupo Ruta a lubidá ta e echo ku ‘E Mulina’, no ta drumi riba e kos nan, kisas ta esaki ta su mala suèltu.

Paso nos a sigui vigilá kada stap ku e kantante Titi ta dal i nos a bin haña informashon ku Titi por lo pronto no ta bin Kòrsou te pa e sigui move den Grupo Ruta. Di informashon ku a drenta direktamente for di Hulanda ta bisa ku na e momentu nan aki Titi ta presentadó ku un grupo di Tambú na tera friu.

Grandi nan tin un dicho ta bisa ku bo no por skonde nada ku un dede, paso bo mes un otro kuater dede nan ta redabu. ‘E Mulina’, sin duda ta bai sigui vigilá kada stap ku kada artista dal den 2019.