‘Juni’ Balentina i su crew lo dirigí selekshon sòftbòl femenino

164
Manager nobo Juni Balentina.

 

WILLEMSTAD—Federashon di sòftbòl, resientemente, pa ta mas eksakto riba dia 30 desèmber 2018, a nombra nan kuerpo tékniko nobo. Esaki mester guia e selekshon di sòftbòl femenino, durante e próksimo 3 añanan, kual ta e periodo di 2019 te ku 2022.

E periodo aki ta un periodo hopi importante, mirando diferente torneonan importante ku ta na kaminda. Entre otro kampionato panamerikano i e próksimo weganan Sentro Amerikano I di Karibe, na aña 2022.

Direktiva a sinta ku e manager nobo i a deliniá e metanan pa selekshon femenino. Dos di e metanan prinsipal ta pa logra medaya den kampionato Sur Amerikano na 2020 i despues Medaya den weganan CAC di 2022.

Finalmente sigui avansá riba e standing mundial di sòftbòl, pa aki 3 aña yega den e tòp 20 riba e ranking.

E kuerpo tékniko nobo ta konsistí di Evan ‘Juni’ Balentina, komo Manager, Emerick Agatha I Ruwel Matrona ta e coachnan, miéntras ku Patrick Girigorie, lo ta e coach di picheo.