Jurella “Juri”Nita a bandoná grupo Ruta

254
E no ta forma parti mas di Grupo Ruta.
WILLEMSTAD,—-Na hopi okashon nos a bin ta bisa ku Farándula di Kòrsou ta bai konosé hopi mas moveshon den 2019 ku den 2018.

Ta masha hopi kos tin ku ya bai pasa den nos farándula. Ya for di dos siman pasa nos tabatin informashon ku e popular kantante den ámbito di Jurella “Juri” Nita ta bai bandoná grupo Ruta, es mas for di fin di luna di novèmber ‘E Mulina’, a bisa ku tin un kantante popular den ámbito di Tambú ta bai lansa su mes komo artista solista, ta netamente e kantante en kuestion aki ‘E Mulina’, su artíkulo a bai rondó di dje.

Pero manera semper nos a bin ta bisa ku Tempu ta e mihó maestro. Di informashon ku nos ta disponé di dje ta bisa ku Juri Nita den luna di mei ta bai pone su promé CD riba merkado, asta nos ta na altura ku su CD ta bin ku seis piesa nobo, nobo riba dje. Tambe nos tin informashon ku diferente kantante kompositor popular den ámbito di Tambú ya a ofresé Juri Nita piesa, pues sigur Juri su CD ta bin kaya ku komposishon nan ku ta bai bira hit na grandi den nos farándula lokal i mas ku klaru den ámbito di Tambú.

No tin duda ku e informashon aki ta bai bira tópiko di kombersashon riba e di tres dia di aña 2019, i manera ku ya nos a bin ta bisa kaba ku den 2019 ta masha hopi moveshon ta bai tuma lugá den nos farándula lokal.