Mucha di sinku aña ta fayesé momentu ku vürwèrk ta eksplotá den su pechu

145
Lamentablemente e menor di edat a fayesé na e sentro médiko unda el a keda transportá.

MANAGUA – Un mucha muhé di sinku aña di edat a pèrdè su bida na Nicaragua na momentu ku un vürwèrk a eksplotá den su pechu. Esaki na momentu ku tabata tirando vürwèrk i selebrando aña nobo.

E mucha tabata biaha ku su mayornan riba un bròmer na momentu ku e vürwèrk, kua tabata suponé di a bai laira direkshon shelu, a sali direkshon kaya i dal e menor di edat den su pechu i eksplotá.

E insidente aki a keda registrá den e promé oranan di 1 di yanüari último, den e komunidat di e munisipio di Jinotega, den e zona na nort di Nicaragua.

Aunke ku e menor di edat a keda trasladá di urgensia pa un sentro médiko, e gravedat di e leshonnan sufrí a superá kapasidat di dòkternan i ya no por a hasi nada pa salba esaki su bida.

Outoridatnan no a duna informashon relashoná ku personanan ku lo por ta keda investigá komo esnan responsabel di morto di e menor di edat.