Nuebe morto registrá den avalancha di tera na Indonesia

66
Sitio di desaster despues di e insidente.

INDONESIA – Un total di 9 persona a pèrdè nan bida i otro 34 mas a keda registrá komo pèrdí despues di un avalancha di tera ku a tapa masoménos 30 bibienda na ost di e isla di Java na Indonesia.

E bosero di e Agensia Nashonal di situashonnan di desaster a splika riba su kuenta di Twitter, ku e tareanan di reskate ta kontinuá den e zona di e avalancha, registrá den e munisipio di Sukabumi.

Kuater bisiña a resultá heridá, miéntras ku otro 60 mester a keda evakuá debí na e peliger di mas avalanchanan.
E ekipo di emergensia a haña nan difikultá pa e kantidat di hendenan ku a akudí na e sitio pa asina wak e desaster. E kareteranan ta bastante grandi, loke ku a provoká ku e trabounan di e ekiponan di reskate i ambulans mester a keda engrandesé.
Mei mei di basta áwaseru i konsekuentemente lodo, e ekipo di emergensia ta traha pa haña sobrebibientenan entre e restunan ku a keda atras despues di e insidente.