‘Softball Challenge’ dia 12 benidero na Pòst 6

255
Jurickson Profar.
WILLEMSTAD—Riba djasabra dia 12 yanüari benidero, lo bai tin un grandioso partido di sòftbòl, kual lo bai hala basta atenshon riba nos isla. Esaki konsiderá den un ‘Sòftball Challenge’, kual tambe ta nòmber di e evento.

Ta trata aki di un partido, unda nos peloteronan profeshonal, lo forma nan ekipo di sòftbòl, pa asina enfrentá un selekshon di peloteronan atventista. Lo bira partido ku lo mira akshon djasabra otro siman, na Parke Pòst 6, inisiando 8’or di anochi, unda entrada ta kosta solamente 1 florin.

Despues di e wega, tambe lo bai tin un Homerun Derby, inisiando 10’or di anochi, pa finalmente e anochi sera, unda fanatikonan tin oportunidat pa topa i saka pòtrèt ku e peloteronan  profeshonal.

E ekipo di peloteronan lo konta entre otro ku Jurickson Profar i tambe Jonathan i Wecho Schoop, miéntras ku den e ekipo di atventistanan lo mira akshon Gedion Sambo, Raysheron Michel i tambe Guiomar Isenia entre otro.

Pues reservá e fecha aki pa bo tambe ta presente.