Tahith Chong hopi serka di debuta bou dje manager Ole Gunnar Solskajer den Man U

109
Fot training: E orguyo di Wisi/Marchena, Tahith Chong, hopi serka di debuta ku ekipo grandi di Man U. “ Ito” aki den training ku ekipo prinsipal. Wikènt por pasá algu grandi.
 

MANCHESTER,  – Tahith Chong lo por a hasi su debut ku ekipo di Manchester United prinsipal despues ku e la biaha ku ekipo pa  Newcastle den partido bálido pa Premier League i ku a tuma lugá den St James’ Park, djarason ultimo. Mientras ku wikent aki ekipo di Old Trafford ta hunga den FA Cup kontra di Reading.

E preshon di fanatikonan ta grandi paso na ke mira e yu Kòrsou hunga ofisialmente pa “The Red Devils”.

 

E hungadó di  19 aña d kende ta impreshonando e organisashon di Old Traffored den e kategorianan di U-23 i U-19, a regresá e promé e ekipo despues ku ya algun siman atras e tabata riba banki pa ekipo di United den partido bálido pa Champions League kontra di Juventus.

E manager nobo  Ole Gunnar  Solskajer a mustra ku un di su prioridatnan den ekipo lo bai bira traha mastantu ku e mucha yòn talentoso ku ekipo ta poseé, sigur ta algu kontrario ku e manager, Jose Mourinho, tabata promé pero ku a pèrtá trabou dos siman pasá.

Angel Gomes di  18 aña i  James Garner di  17 tambe ya ta keda envolví ku e promé ekipo, porsierto na unda  Gomes ya a haña oportunidat di hunga durante 9 minüt den viktoria  ku skor di 3-1 riba  Huddersfield riba Boxing Day.

Solskjaer di kende tin un kontrakt ku ekipo di Old Trafford te na final dje temporada, ta insistí ku e muchanan hóben mester keda envolví ku ekipo grandi pa asina ganá eksperensia.

Chong promé ku yega ekipo di Man U tabata pertenesé ta e organisashon di Feyenoord di Hulanda, na unda e la hunga i enfrentá vários hungadó ku aktualmente ta keda buska pa vários ekipo grandi di Europa.

Ehèmpel di hungadónan ku e yu di Kòrsou a enfrentá durante su karera den hubenil ta Mathijs de Ligt i Frenkie de Jong. No ta un sekreto ku e dos hungadónan hulandes aki ta esunnan mas buska riba e merkado di transferensia den 2019, porsierto ku tin preisnan di 70 i 50 mion euro riba nan kabes.