TDS ta kla pa Festival di Tumba 2019

458
Kòrda semper ku Tumba ta di nos.

WILLEMSTAD,—-E aña aki un biaha mas e 3 promé anochinan preliminar lo ta disponibel eksklusivamente riba plataforma di TDS i Cariflix den e formato di Pay Per View. Pa loke ta trata TDS ya kaba tur kliente por gosa riba kanal 76 HD i tambe kanal 75 SD di TUMBA nan di añanan anterior kompletamente grátis te ku dia 17 di yanüari 2019.

E aña aki a bini un kambio pa loke ta trata petishon di e EARLY BIRD, pues e preis redusí. Klientenan ku kier paga ANG125.00 pa nan festival di Tumba pa asina gosa di esaki na kas, mester pasa na TDS Vinik Plasa hasi nan pago mesora di ANG125.00 òf ku Fun Miles, 2000 FunMiles mas ANG85.00 òf tambe 6,250 Funmiles pa asina por aktivá nan kanal pa gosa e siman di 4 di febrüari 2019 di e edishon 49 di Festival di Tumba 2019.

Di mes e ripitishonnan kustumbrá i vários programa spesial ku lo kuminsá pasa kuminsando for di 18 di yanüari 2019 ta inkluí den e pakete total e aña aki atrobe. Early Bird NO por wòrdu solisitá via di 9242. Pa klientenan ku tòch ta preferá di paga fin di luna, e preis ta 1 pago di ANG150.00 òf 2 pago di ANG85.00. Miembronan di TDS por yama 9242 pa hasi nan petishon òf tambe subi www.tds.live i hasi nan petishon. E preis redusí di ANG125.00 ta disponibel te ku 17 di yanüari 2019. Despues di e fecha aki ta solamente e preisnan di ANG150.00 òf e 2 pagonan di ANG85.00 ta keda disponibel. Transmishon di Tumba e Aña aki atrobe lo ta den formato HD, pues High Definition.

TDS tambe ta pidi tur kliente pa kontrolá nan kalidat di resepshon di e kanalnan aki for di tempran pa asina por tin tempu pa manda un tékniko si mester ahustá algu, for di tempran. Tur reklamo pa ku resepshon di Tumba mester tuma lugá via di 9242. For di akinan TDS kier deseá henter pueblo di Kòrsou i en partikular su miembronan un felis Tumba 2019.