Grupo médiko ta manipulá nasementu di beibi pa e por ta e promé di aña

102
E video di e situashon a keda mirá pa miles di persona rònt mundu.

GUATEMALA – E selebrashon di aña nobo a keda marká pa e tradishonal konteo di fin di aña. Esaki a konta meskos pa dòkter i zùsternan di un sentro médiko di Guatemala, unda dunamentu di lus di e promé beibi di aña ta parse di superá límite i seguridat di e pashèntnan.

Alomenos di e forma aki a ta keda mirá pa dòkternan i e personal di enfermeria di e Hospital Roosevelt, ubiká na e kapital di e pais sentroamerikano, kendenan literalmente tabatin un fiesta. Esaki nan a hasi uso di sombré i a supla flùit pa selebrá yegada di aña nobo den sala di operashon.

Ku nan telefònnan selular den man, nan a kuminsá transmití e último sekòndenan di aña 2018 i e yegada di aña 2019.

Miéntras tantu, un muhé drumí riba un kama ku fuerte dolónan di parto, tabata kombertí su mes den un espektador di luho di e fiesta ku tabata tuma lugá rondó di dje.

Tantu dòkternan, zùsternan i asistentenan tabata mas preokupá pa kontené e beibi den e kanal di parto e tempu ku tabata nesesario pa asina e por nase algun sekònde despues di mei anochi, ku nan tabata preokupá ku e estado di e mama.

Segun medionan di komunikashon di e pais, tur esnan ku tabata den sala di operashon a kuminsá grita di seis pa unu promé ku e beibi nase. Den mesun rosea nan a konfirmá ku ta trata aki di un beibi muhé.

E video aki a keda mirá pa míles di persona rònt mundu riba retnan sosial, unda mayoria di e komentarionan ta apuntá na e echo ku e muhé a sufri di “violensia opstretiko”.

Segun medionan di komunikashon, huntu ku e ekipo médiko, formá pa dòkternan Angie Leiva i Brayan Garcia, zùsternan Emilia Sontay i Claudia Lopez, tabatin e pashènt Ilsy Janet Chacon Lopez.

Apesar di e selebrashonnan, e beibi ku a pida 5 liber, no tabata e promé ku a nase den aña 2019 na Guatemala, si no e segundo.

E beibi a midi 49 centimeter i ta e di sinku yu muhé di Chacón Lopez, di 34 aña di edat. Esaki a yega na e sentro médiko for di e kolonia Eterna Primavera huntu ku su kasá José Nolasco. Esaki nan ta dediká na bende kèts i sapatu na diferente merkado di e siudat.

Awor henter e situashon aki lo por keda denunsiá komo violensia opstretiko, ya ku segun e Organisashon Mundial di Salú di hende muhé, e tin mester di un ambiente trankil pa asina por duna lus, meskos ku e beibi, kende meresé un ambiente silensioso i kalmu. Tur esaki kompletamente kontrali na loke tabatin i a sosodé den e sala di maternidat.