Sifra di víktimanan pa paso di tormenta Usman na Filipina ta alkansá 122

61
Ainda tin mas di 20 persona reportá komo pèrdí.

MANILA – Un total di 122 persona a pèrdè nan bida i otro 28 mas ta permanesé komo pèrdí pa inundashonnan, avalanchanan di tera i otro katástrofenan kousá pa e tormenta Usman den su paso na Filipina.

Un organismo filipino ku ta kordiná e informashon durante katástrofenan, a situá e sifra di personanan evakuá na 308,451 persona i esnan heridá na 60.

Di total di esnan afektá, 30.960 filipino ta keda atendé den sentronan di yudansa instalá den e regionnan sentral di e pais, e parti mas afektá.

Usman, un depreshon tropikal ku a toka tera djasabra pasá, ya ta for di e pais.

Outoridatnan lokal a deklará e estado di kalamidat na Camarines del Sur, un provinsia den e region di Bicol, situá na sùitost di Luzón, kua su kapital ta Pili i ta konta ku un poblashon di kasi dos mion di abitante.

E medida lo trese i hasi uso di fondo pa tende esnan afektá i drecha dañonan hasí den e ret di infrastruktura.

Filipina ta risibí entre 15 i 20 mal tempu tur aña di nobo durante e temporada di áwaseru , ku ta inisiá generalmente na mei òf yüni i ta konkluí den luna di novèmber òf desèmber.