Venezuela ta denunsiá e metementu di Estádos Unídos den su asuntunan

105
Maduro a indiká un biaha mas ku Estádos Unídos ta mete den asuntunan di su pais.

CARACAS – E gobièrnu di e presidente venezolano, Nicolas Maduro, a denunsiá e forma sin rèspèt i tras di otro ku Estádos Unídos tin di mete den su asuntunan interno. Den mesun rosea el a eksigí e rèspèt debí pa su soberania nashonal i lantamentu di sanshonnan kontra vários funshonarionan.

Den un komunikado, outoridatnan di e pais suramerikano a denunsiá e metementu di Donald Trump den asuntunan interno di Venezuela, di forma mundial. Esaki a sigui indiká ku tur esaki ta bin kompañá pa algun chantahe i preshonnan na paisnan den region, refiriendo na reunionnan sostené entre e sekretario di Estado di Estádos Unídos, Mike Pompeo, ku lidernan di Brasil i Colombia.

Segun Venezuela, Pompeo a yega Latinoamérika, den otro di su akshonnan erátiko, ku e propósito di emití òrdunan dirèkt di e gobièrnu di Estádos Unídos pa di e forma aki eskalá su agreshonnan kontra atministrashon di Maduro.

Den e sentido aki, Venezuela a remarká ku e ta liber i independiente i na mes momentu a eksigí e rèspèt debí na su soberania nashonal, meskos ku e kitamentu inmediato di blokeo ekonómiko i di medidanan di korekshon kontra su ekonomia, ku ta keda liderá pa Estádos Unídos.