SANTIAGO DE CHILE – Segun medionan di komunikashon di Chile, tabatin un eksploshon ku a keda registrá lagando kuater persona heridá. Esaki aunke ku nan bida no ta kore peliger, pues no ta nada di gravedat.
Te ainda outoridatnan ta investigando e artefakto kua aparentemente a eksplotá i okashoná e eksploshon. Di su banda, testigunan a papia na algun medio di komunikashon di e pais i a indiká ku nan a skucha un total di tres eksploshon na e sitio.
E echo aki a keda registrá na Vicuña Mackenna, serka di Francisco Bilbao, unda outoridatnan a yega rápidamente na e sitio i inisiá labornan di reskate den e zona.
