Kurpa sin bida di hóben venezolana di 28 aña hañá strangulá

69
E hóben tabatin apénas algun dia ku el a yega na e pais.

SANTO DOMINGO – Un hóben venezolana di 28 aña di edat, reportá komo pèrdí for di oranan di djadumingu tras di lomba, a keda hañá sin ta duna señal di bida ku señalnan di a keda strangulá den un riu di e provinsia dominikano di San Pedro di Macoris.

E ekstranhero a keda identifiká komo Keila Pernia Alvarez, di 28 aña di edat, kende su kurpa sin bida a keda hañá den oranan di djaweps atardi.

Segun medionan di komunikashon dominikano, e kurpa di e muhé a keda hañá bou di e brùg Francisco del Rosario Sanchez, i kantu di e riu Higuamo.

Na e sitio di e echonan a presentá outoridatnan polisial di e pais, kompañá pa dòkter Marisandra Santana i fiskal Branda Jabalera. Pa e echo aki, tin vários persona ku ta keda investigá.

Relashoná ku e muhé, outoridatnan a sigurá ku e tabatin poko dia di a yega na e pais i esaki tabata kedando na calle 2 de Junio di Buena Vista na Boca Chica.

E Direkshon Sentral di Investigashonnan Kriminal di Outoridatnan Polisial Nashonal ta esnan ku lo sigui ku e investigashonnan den e kaso aki.