Lider di partido di e presidente mehikano ta keda tirá i asesiná

50
Esaki a keda tirá i asesiná den su vehíkulo.

CIUDAD DE MEXICO – Un lider di e Movementu Regenerashon Nashonal di México, a pèrdè su bida despues di keda tirá. Ku esaki a elevá e number di asesinato di dos dirigente di e forsa polítiko asesiná den e último 48 oranan di e estado di Oaxaca.

Cutberto Porcayo Sanchez, lider di e partido di e presidente Lopez Obrador na San José del Progreso, a keda tirá i asesiná den un atake den kua su kasá, Denia Itzel Mata, a resultá heridá di gravedat.

Porcayo a keda tirá na momentu ku e tabata biaha den su vehíkulo na un munisipio den serkania. Su kasá a keda trasladá pa asina por risibí tratamentu médiko.

Dia 1 di yanüari último, Alejandro Aparicio, alkalde di e munisipio mehikano di Tlaxiaco, a keda asesiná algun minüt despues di a tuma poseshon di su kargo i outoridatnan a sa di detené un di esnan responsabel den e kaso aki.

E mortonan aki a suma nan mes na e asesinato dia 16 di desèmber di e alkaldesa Olga Gabriela Kobel, di e munisipio di Juarez na e estado mehikano di Coahuila.

México ta keda konsiderá komo un pais hopi peligroso pa ehersé e funshon públiko i por ehèmpel, durante kampaña elektoral pasá, den renobashon di 3.400 kargo públiko i ku a kulminá dia 1 di yüni, a konta sentenar di agreshonnan i un total di masoménos 130 polítiko asesiná.