Popular kompositor areglista Joke Passial rumbo pa biba Kòrsou

170
Pa nada do mundu e no ta kontesta nos yamada nan.

WILLEMSTAD,—-No tin duda ku farándula di Kòrsou den 2019 ta bai bira hopi interesante, paso ta masha hopi moveshon i desaroyo nan hopi interesante ta na kaminda. Di informashon ku nos a risibí direktamente for di Hulanda ta bisa ku popular kompositor areglista den ámbito di Kòmbèk Joke Passial lo ta rumbo pa bin biba bèk na Kòrsou.

For di un fuente nos a komprendé ku tin negoshashon nan ta tumando lugá entre Joke Passial i un persona ku tin un influensia den nos farándula lokal. I ku ámbos partido ta hopi leu ku otro. Esaki ta nifiká ku presensia di Joke Passial na Kòrsou, tur hende por saka nan som ku 1ku 1 ta bira 2.

Den otro palabra ku farándula di Kòrsou den un futuro serkano lo bai haña un agrupashon musikal nobo den ámbito di Kòmbèk, paso ta den e ámbito en kuestion aki Joke Passial ta move aden na Hulanda ya pa basta aña kaba.

Nos a drenta den kontakto ku Joke Passial, pero pa nada di mundu e no ta kontesta nos telefon. For di mes un fuente nos a haña di komprendé ku e kombersashon entre Joke i e persona na Kòrsou ta kana asina bon te ku tin nòmber pa e banda kaba pone riba mesa. ‘E Mulina’, sin duda ta bai sigui vigilá e moveshon aki ku wowo nan di falki.