Tin un vrum vrum grandi entre Chokoi i Encho

394
Tin un vrum, vrun grandi den nan dos.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku, for di ayera tin un vrum, vrum grandi entre Chocoi i Encho, nos fuente a bisa nos ku tur esaki ta na momentu ku a sali un flayer riba e plataforma di Facebook, ku ta mustra ku Encho lo bai ta na Hulanda ku e obra Chòpòchòpò dia 24 di mart binidero.

Nos fuente a bisa nos ku esaki no a kai den ningun tiki di bon tera serka Chokoi, nos a asta haña informashon ku Chokoi a yama e promotor Ricardo Correia i bisa Ricardo ku e no ta ningun tiki kontentu ku nan ta bai Hulanda ku Encho.

“E Mulina’, a drenta den kontakto na promé lugá ku Chokoi pero e no a kontesta nos yamada, den mes un rosea nos a drenta den kontakto ku Encho, pero Encho tampoko no a kontesta nos yamada. Mes ora ‘E Mulina’, a drenta den kontakto ku Ricardo Correia, e si a kue nos telefon, nos a bisé mes ora di e informashon ku nos ta disponé di dje, mester bisa ku Ricardo a bisa nos ku na e momentu nan aki e ta ku fakansi den eksterior, pero manera ku e yega e mes ta tuma kontakto ku nos.

‘E Mulina’, sin duda ta bai sigui e moveshon aki hopi mas di aserka, paso tambe nos a haña informashon ku Chokoi lo a bisa Encho ku “Si bo mester bai Hulanda ku e obra Chòpòchòpò bo no ta bon bini mas serka mi”, esaki ta loke ku nos fuente a bisa ‘E Mulina’,.