Un morto i dos herido despues di atake ku kuchú na Oustralia

83
E hòmber a pone fin na su propio bida despues di keda rondoná pa outoridatnan polisial.

OUSTRALIA – Un persona a pèrdè su bida i otro dos mas a resultá heridá durante un atake ku kuchú den oranan di ayera na parti sùit di e siudat di Sidney, den un insidente ku outoridatnan polisial a deskartá ku e por ta vinkulá ku yihadistanan.

E sospechoso, di 24 aña di edat, a kometé suisidio hinkando su mes na altura di su pechu. Esaki na momentu ku el a keda rondoná pa outoridatnan polisial.

Konforme e vershon ofisial, outoridatnan a intentá di para e vehíkulo den kua e tabata move pero el a ninga e òrdu i a sigui kore bai.

Despues di a bai aksidentá durante su huida, e shofùr a bandoná e vehíkulo i a hòrta un trùk ku kua el a bolbe inisiá ku su intento di huida, pero ku kua el a bolbe bai aksidentá.

Algun persona a trata di detené e sospechoso, kende a respondé atakando nan ku un kuchú te na momentu ku el a logra hòrta otro taksi, kua su propietario a sali ileso di e insidente.

Despues ku outoridatnan porfin a logra para e taksi, e sospechoso a sali for di e vehíkulo i a hinka su mes den pechu, heridanan ku a bin kousa su morto.

Segun a keda indiká, tabata trata aki di un persona konosí pa outoridatnan. E tabata sufri di problemanan mental, pero no tabata konta un ku un lista ekstenso di delitunan.

Outoridatnan oustraliano a elevá e alerta terorista na luna di sèptèmber di aña 2014 i a aprobá un seri di leinan pa prevení atentadonan.

No opstante, e nashon a sufri kuater atake for di e momentu ei, aunke ku a abortá vários detenshon di desena di personanan den diferente operativonan rònt e pais.