6 luna di prizòn pa poseshon arma kandela

235
WILLEMSTAD,– Korte den promé instansia a trata un kaso unda e hòmber Gilbert Petronilia tabata dilanti wes.

Esaki despues ku a haña un arma di kandela den su vehíkulo 27 di sèptèmber último, despues ku su bisiña a hasi un denunsia. Tur esaki despues ku e sospechoso tabata den un diskushon ku su bisiña, unda segun e deklarashon di e bisiña ku e mester a menas’é ku arma di kandela.

Tabata despues ku polisnan a yega na e sitio ku a bin topa ku un arma di kandela, den vehíkulo ku ta pertenesé na e sospechoso den un tas, ku e ta bisa no ta di dje. Ayera el a presentá unda el a bisa ku e no sa kon bin e arma di kandela a bin resultá den su outo, pero e no sa nada di esaki.

El a bisa ku e la bai paden despues di e diskushon, unda mesora despues ku el a sali pafó polis a logra realisá su detenshon. A bin haña yabi di un outo marka Toyota den e tas, miéntras tambe a haña algun pertenensia di e sospechoso den e tas.

Fiskal a bisa ku e sospechoso ta kulpabel unda el a pidi 15 luna di prizòn di kual 6 ta kondishonal ku 3 aña di prueba. Wes na su turno a bisa ku e kastigu aki ta muchu haltu, unda el a kondená e sospechoso na 9 luna di kual 3 ta kondishonal ku 3 aña di prueba.