E promé konfrontashon entre GENTZ i ICONS GENTZ ta bai ariba 1 pa nada

217
Nan tabata grandi djasabra tras di lomba riba “Kleine Werf”

WILLEMSTAD,—-Loke ku hopi hende tabata ker a mira a sosodé djasabra tras di lomba, i esaki ta konfrontashon di e dos agrupashon musikal nan den nos farándula lokal ku ta ICONS BY GIO i GENTZ TRE;CHIC.

No ta un sekreto ku “DjuDju-V” Virginie i Amos Balentin ámbos kantante tabata forma parti di agrupashon musikal GENTZ TRE’CHIC. Pa loke ta trata djasabra anochi Orkesta Vega a habri despues GENTZ TRE’CHIC a subi i nan a sa di duna un tremendo show, por a mira klaramente ku GENTZ a prepará 100% pa nan promé konfrontashon ku ICONS BY GIO.

T’asina ku GENTZ tabatin un presentashon masha bon mes hinka den otro, hopi hende a kuminsá bisa ku na momentu ku ICONS BY GIO subi nan ta bai sakudí “Kleine Werf”, pero esaki no tabata e kaso, ICONS BY GIO no a presentá manera ku hopi hende a spera di nan, i esaki mes ora tur hende a kuminsá bisa tantu riba “Kleine Werf” i riba e plataforma di Facebook ku GENTZ TRE’CHIC a pasa riba ICONS BY GIO i ku nan ta bai ariba 1 pa nada.