Kuater aña di sufrimentu i pesadia ta tras di lomba pa Polis “ Rumini Thode”

E ta bek na trabou

471
Willemstad—– Vigilante ku sigur a sigui e kaso basta  di aserka  unda a pone dos agente Polisial riba Non Aktif despues ku nan a wòrdu sospechá di a pasa duana ku artíkulonan sin a paga impuesto pa esakinan kier splika  tambe e desaroyonan nobo ku tin den e mesun kaso aki.

E odisea kontra di e agente Polisial Rumini Thode a kuminsá mas òf ménos 4 aña pasa. Esaki tabata momento ku e la bai Hato pa asina buska un kolega di dje ku a kaba di bini for di eksterior pa asina por a entreg’é e vehíkulo di trabou. Na Hato e kolega di dje mester a bisé pa yud’é hisa su maletanan pa asina por pone esakinan den e vehíkulo. Aki ta trata di dos kolega ku ta traha huntu ku otro ku pa kolmo e tempu ei tabata bodyguard di señor Gerrit Schotte. Tur e dos agentenan polisial aki e tempu ei tabata laborá na LBD ku tabata enkargá ku e tarea pa vigilá i tambe duna mandatarionan protekshon ora ku nan tin mester di esaki. Tabata despues ku e agente Polisial Thode a yuda su kolega karga maleta i a  Sali for di e edifisio di aeropuerto Hato un Duanero mester a traha un rapòrt indikando ku e dos agentenan Polisial aki mester a invadí impuesto.

A splika den e rapòrt ku den e maleta lo tabatin piesa di outo i ku e dos polisnan aki a keda sin pasa kontròl na Duana pa keda sin paga impuesto. Mesora a kuminsá ku un investigashon kontra di e dos polisnan aki i a pone nan tur dos riba non aktif. Tabata na momento ku e dos polisnan aki tabata den kompania di Schotte sinta den un restorant e personal di BIZ a kana yega serka nan i a desarmanan indikando na ámbos ku tin un investigashon den nan kontra i ku nan ta wòrdu di skors pendiente e investigashon.  Esaki tabata kuater aña pasa ora e odisea a kuminsá. Thode semper a keda para riba ku e no sa di nada ku por tabatin den e maleta i ta simplemente e  la bai yuda su kolega ora esaki a pidié pa yud’é hisa su maleta. Na niun momento niun duanero no a para nan na e parti unda nan a Sali ku ta ser denominá e parti di VIP.

Kon por tabata posibel ku e duanero si tabata sa ku tabatin piesa di outo den e maleta te ku mester a deklará esakinan i tòg  a laga nan kana Sali bai ku esakinan. Na dos okashon a para e salario di Thode i e mester a akudí na Korte pa asina mustra ku ta kontra lei pa por para salario di un ámtenar miéntras ku tin investigashon  den su kontra sin un resultado final. Ámbos biaha e mester a warda sinku luna pa asina restablesé su salario bek pasando den un miseria formal. Tabata despues ku korte a bin seponeer e kaso, Rumini a kuminsá mira lus na final di e tùnel. Despues di a mustra durante kuater aña ku e ta inosente ayera a yega e dia ku e por a kuminsá laborá bek den Kuerpo Polisial. Rumini kier a mustra ku hustisia a prevalesé. E kaminda tabata largu si pero ku perseveransha e la bin logra.