Lab de Med lo re-inventá su mes pa trese mihó servisio pa klientenan

Selebrashon 40 aña di Laboratorio de Medicos

82
Schottegatweg- Ayera Laboratorio de Medicos (Lab de Med) ta gradisí pueblo di Kòrsou pa 40 aña sirbiendo pashèntnan. Lab de Med ta re-inventando su mes pa bira e laboratorio di promé eskoho no aki na Kòrsou so pero den Caribe ofresiendo un skala amplio di servisio diagnóstiko ku ta relevante i inovativo. Di e forma aki ta trese balor na e servisio ku ta keda duna na e kliente, dor di pone e pashènt berdaderamente sentral.

2018 tabata un aña eksitoso dor di terminá komo e laboratorio internashonalmente rekonosé ku ta duna servisio di laboratorio di kalidat haltu. Lab de Med ta kere den prevenshon i den bienestar. Prevenshon ta ménos kostoso ku gastunan mara na malesa. Kalidat haltu di kuido lo resultá den mihó bienestar i ménos gastu den salubridat.

Lab de Med ta re-inventa su mes i lo kontinuá hasi esaki den e añanan benidero dor di introdusí vários servisio ku ta mihó pa salubridat i ku lo hisa e kalidat di kuido.