Mas di 30 morto despues ku mina di oro ta kolapsá

74
Outoridatnan mester a manda mas yudansa na e zona di e insidente.

KABUL – Un total di 30 persona a pèrdè nan bida i number no determiná a resultá heridá despues ku un mina di ora a kolapsá den e zona den serkania di e provinsia di Badakhshan, na nortost di Afganistan.

E hendenan tabata trahando den eksplotashon di un mina di oro na momentu ku esaki pa un motibu òf otro a derumbá.

Segun e informe inisial, un total di al ménos 30 trahadó a pèrdè nan bida den e suseso i otro sinku tambe a resultá heridá.

Outoridatnan di e pais a indiká ku nan ta trahando pa asina por manda apoyo den e zona di e aksidente.

Segun e vershon ku outoridatnan konosé, un grupo di minero a kuminsá ku e kobamentu di mas di 20 meter di profundidat for di e nivel di suela, esaki na momentu ku e mina a basha den otro.

Afganistan ta un di e paisnan ku mas rekurso mineral, sinembargo, e desaroyo di mineria ta te ainda informal na hopi areanan i tambe den kondishonnan prekario.