Melvin Gordon a diskutí ku un shafer di “Uber” pa loke tabata e partido entre Chargers i Ravens

81
Fot mela: E running back di Los Ángeles Chargers, Melvin Gordon, ta saka un “ selfie” pa asina keda ku prueba kon e la argumentá ku e shafer di “Uber”. E la kombensé e shafer tòg na duna su ekipo Chargers e oportunidat kontra di Ravens.

LOS ANGELES,  – E running back di Los Ángeles Chargers, Melvin Gordon, a diskutí ku un shafer di un “Uber” pa loke tabata e duelo di komodin (wild card) kontra Baltimore Ravens  djadumingu  último den  M&T Bank Stadium. Porsierto partido ku Chargers a logra  viktoria tambe ku skor di  23-17.

E hungadó dje ekipo Los Ángeles a publiká e diskushon ku tabatin ku un shafer, na unda e último tabata splik’é su rasonnan ku e ta pensa dikon e ekipo di  Ravens lo ganá e partido di djadumingu último di Chargers.

E situashon kurioso ta e hecho ku e konduktor na ningun momentu no a sospecha ku esun ku e tabatin den su outo tabata e propio running back dje ekipo di  Chargers, porsierto ku di su banda a intentá di tur manera pa e shafer kambia su faborito pa e partido di djadumingu.

Despues di un bon ratu di diskushon, Melvin Gordon, a logra ku shafer lo a kambia su moda di pensa i tòg duna e ekipo di Los Ángeles Chargers chèns pa logra e triunfo M&T Bank Stadium.

Inkluso un ora e shafer dje Uber den algun momentu a papia di e bon labor ku  Melvin Gordon a bini ta hasiendo den ekipo di  Chargers.

“E ta un gai ku hopi hubentut i ku bon futuro, e la inyektá e ekipo ku hopi kos bon”, asina e shafer a duna di konosé sin nunka sospecha ku tabata papia ku e propio hungadó di kua tabata sinta den su outo patras.

Tabata na final dje kombersashon ku Gordon a bisa “ he bo ta papiando ku e running back di Chargers”. En prinsipio e shafer no kera kere, pero despues e la bin realisa ku ta berdat. Mesora e la pidi Melvin pa firma yame, di kua a pone e running backa hari. Despues e shafer di e “ Uber” a pidie pa un  firma i tambe un selfie. Si duda algun shafer di “Uber” hamas lo lubida e kareda di un pasahero.

“Gordon: “Well, I’m Melvin Gordon man. I’m the running back for the Chargers man.”
Driver: “You’re the running back for the Chargers?”
Gordon: “I’m the running back for the Chargers.”
Driver: “Give me a call.”
Gordon: [laughs]
Driver: “Are you just telling me that?”
Gordon: “I’m being honest with you. I’m being completely honest with you.”