Seis morto registrá den aksidente di bùs na Tailandia

61
Forma ku e bùs a keda di bòltu.

TAILANDIA – Seis persona a pèrdè nan bida awe, inkluí un beibi, i otro 50 mas a resultá heridá den un aksidente di bùs ku a keda registrá durante oranan di mardugá na e parti sùit di Tailandia.

E bùs, di dos piso, ku tabatin e ruta entre Phanom i Phrai na Bangkok, a bòltu i a sali for di karetera despues ku e shofùr a kue brek di forma brusko durante áwaseru pa asina intentá di evitá un choke kontra un vehíkulo su dilanti.

Un hòmber, kuater muhé i un beibi di entre 3 i 5 luna a pèrdè nan bida. Esaki miéntras ku otro 50 pasahero mas a resultá heridá i a keda trasladá pa vários sentronan médiko di e zona pa servisionan di emergensia.

E bùs, di e kompania Prayad Tour, a Sali di Phanom Phrai na alrededor di 7or di anochi, di djasabra último, i a aksidentá na alrededor di ocho ora despues.

E kareteranan di Tailandia ta keda konsiderá un di esnan mas peligroso i ku ta registrá mas morto na mundu. Esaki despues di esun di Libia, segun e informá di e Organisashon Mundial di Salú, ku t sifra esaki na 24 mil persona ku ta muri kada aña di nobo den tráfiko na e pais asiátiko.