Tahith Chong a biaha ku e ekipo prinsipal di Manchester United pa Dubai

115
Fot tahith: Tahith Chong (R) aki durante training ayera na Dubai, miéntras banda di dje Ander Herrera (C) i mas atras Antonio Valencia.
 

DUBABI,  – E ekipo di Man U a biaha djis  despues di nan partido kontra di Reading balido pa FA Cup, na unda nan a logra viktoria ku skor di 2-0 pa e magnífiko suidat di Dubai.

Nos orguyo, Tahith Chong, a biaha ku ekipo prinsipal di Old Trafford  bou dje maneho di manager,  Ole Gunnar Solskjaer,  pa Dubai na unda nan lo tin Trainings Camp di sinku dia.

Manera Deporte Vigilante  a publiká den nos edishon di ayera e mucha di Wishi/Marchena  a hasi su debut djasabra último den ekipo prinsipal kontra di Reading FA Cup, na unda porsierto  e la drenta e partido na di 62 minüt na lugá di e spañó, Juan Mata.

YDK a hasi un bon papel pasando mayoria bala bon i tambe defendé bon, miéntras ku tambe e la risibí un karchi hel despues ku e la foul e mesun hungadó dos biaha.

Mientrastantu e strea dje ekipo Paul Pogba a djòin su kompañeronan di ekipo un dia despues na Dubai paso e mester a keda pa haña un tratamentu spesial pa un leshon ku e tin.