Yu ta dal tata di kriansa stul den kara

Debí ku e no kier a bai skol

903
Willemstad—- Polis i tambe ambulans mester a bai kaya Aurora pa un kaso di maltrato unda un hòmber mester a resultá herida na su kara.

Ayera den oranan di mainta a pidi asistensia di tantu Polis i tambe ambulans na un kas den Kaya Aurora pa un hòmber ku un herida formal na su kara ku tabata sangra bastante. Polis ku a bai na e adrès indiká a bin topa ku e víktima kual enbèrdat tabatin un kap na su kara ku tabata sangra. E víktima a splika ku ta su yu di kriansa mester a maltratá hasiendo uso di un stul. Henter e problema tabata drai rondó di baimentu di skol.

Ayera netamente e promé dia di skol despues di fakansi e yu di 16 aña pa nada di mundu no kier a bai skol miéntras e tata di kriansa tabata mustr’é ku esaki ta un deber. A surgi un diskushon unda e yu di kriansa a pasa man kue un klap stul i a dal e tata ku esaki na su kara pa despues bandoná e sitio. Ambulans a presentá i a unda e víktima miéntras polis a keda enkargá ku e investigashon.