Bringadó brasileña di UFC Polyana Viana a frustra atrako i bati ladron

96
Fot polter: Un luchadó brasileña di UFC, Polyana Viana (L), a frustra un intento di atrako di un hòmber djaluna último, den reakshon lihé i inteligente. Chek kon e kara di e sua a keda.

RIO DE JANEIRO,  – Un bringadó brasileña di UFC, Polyana Viana, a frustra un intento di atrako di un hòmber riba den wikènt último, den reakshon lihé i inteligente.

Viana di  26 aña di edat a konta  ku e tabata wardando pa kompartí un biahe den  outo na  Río de Janeiro ora ku un hòmber sospechoso a aserka na e sitio, i e la eksiguié pa dun’é su telefon.

Viana a konta ku e la dal e hòmber dos moketa rápido i tambe un skòp, ku a bash’é abou.  Tambe e la bisa ku e la strangula e sospechoso i retené te ora polis a yega.

“Ora mi e la mira kumi a wake, e la sinta banda dimi”, asina Viana a duna di konosé.  ” E la puntrami pa ora. Ma bisé, pero ma mira ku e no tin intenshon di bai. Pa e motibu aki mi a move i hinka mi telefon den mi “zij”. Tabata akinan ku e la bisami, Nami bo telefon. No trata di hasi nada paso mi ta harma! Despues e la pone man na su sintura, pero ma tuma nota ku e no tabata bon pará”.

“E tabata hopi serka dimi. Asina ta ma pensa, ‘Si ta un  arma, e  no ta bai tin tempu pa sake’. Asina ta ku mi a lanta pará i dale dos moketa dirèkt  i despues kombin’é ku un skòp.   E la kai i mesora ma strangule ku su lomba p’ami. Despues ma pone sinta na mesun lugá ku nos tabata i mi a bisa, “Awor nos ta warda polis tambe”.

E presidente di UFC, Dana White, a publiká un imágen riba retnan sosial ku teksto indikando “ tabata un mal idea di trata na atrak’é”.

Di akuerdo ku e informashon e hòmber leshoná a keda hiba un sentro médiko i Viana a presentá su keho na polis. Despues di inmobilisá e  hòmber,  Viana, a indiká ku e la sa despues ku “pistol” ku e hòmber tabatin, tabata un karton kòrtá den forma di arma.

Viana (10-2) tin rèkòrt di 1-1 te ku awor den  UFC.  E atleta mes no a sufri ningun leshon di akuerdo ku report’é, miéntras ku aktualmente  e no tin ningun pelea programa.