Willemstad—Betesda ta para dilanti di un reto hopi grandi, mirando tur kambionan den salubridat ku ta tumando lugá aki na Kòrsou. Esaki ta eksigí hopi esfuerso, konosementu i kalidat dirigí riba e kambionan.

E proyekto “Betesda in de lift” ta mustra ku, pa alkansá e metanan aki, mester di hopi sèn i Betesda no tin esaki. For di e proyekto “ Betesda in de Lift”. Sostené dor di Direktiva i Gerensia, nos a wak un posibel sosten for di Hulanda. E resultado ta ku ayera 4 kònteiner di 40 pia ku 140 kama di hospital i diferente artíkulo mas a yega. Aña pasa tambe betesda a risibí diferente aparatonan di kuido i diferente muebel ku ta keda usa den  kas di kuido. Betesda sigur ta hopi kontentu ku sra. Virma Durinck-Lourens  ku a regla tur kos i tambe Fondonan Sluyterman van Loon en het RCOAK  ku for di Samenwerkende Fondsen Caribisch deel van het Koninkrijk, tabata dispuesto pa finansiá e transporte pa Kòrsou.