OM ta start investigashon riba soborno deal NS

58
kompanianan a gana miones ku terenonan di NS
AMSTERDAM—Ministerio Públiko a start un investigashon den e kontroversial kompra di terenonan di Nederlandse Spoorwegen den 2014.

Ta trata di un transakshon kaminda tereno di NS a keda bende na Bakkhe Vastgoed. Segun OM e dos sospechosonan a hasi nan mes posiblemente kulpabel di soborno segun parket a konfirmá. E investigashon no ta dirigí riba NS i ProRail. Den tantu 2010 komo 2014 NS a bende gran kantidat di tereno banda di spoor na dos kompania di real estate. Nan no mester a paga nada i a haña hasta algun mion. A ofresé e terenonan na ProRail pero el a ninga di kumpra. Despues a resultá ku ProRail tabatin mester hopi di e terenonan pa ekspanshon di spoor i otro trabounan, loke a pone ku e mester a kumpra tereno tòg serka e kompania. Pa e prome deal nan a paga 18 mion euro den 2017 na e kompania RailSide, pa e di dos a paga 15 mion euro na Bakkhe Vastgoed.