Pepe ta regresá e ekipo di Porto

62
Fot pepe: E defensa portugues/brazilero, Pepe (L), den ekipo di Porto la bai uni bek ku su eks kompañero di Real Madrid ku ta e kiper Iker Casillas.
 

LISBOA,  – Pepe di kende ta un ekshungado dje ekipo di  Real Madrid  i ku a kibra su kontrakt  ku ekipo turko Besiktas, a keda anunsiá djamars  komo refuerso den wenter aki  pa ekipo di Porto.

Na su edat  35 aña e sentral a firma un kontrakt  ku e plantel portugues te ku yüni 2021, esaki ta loke a keda divulgá djamars riba e wep ofisial dje ekipo luso.

E rumornan dje último dianan di e manera aki ta keda konfirmá, di kua ta e hecho ku Pep ta regresá futbòl portugues, na unda e la militá kaba promé e la pasá pa Real Madrid entre e añanan 2004  i 2007.

Tabatin rumor basta ratu ku Pepe  a hunga su último partido pa ekipo di Besiktas den luna di desèmber. 

E defensa portugues parse tabata gosa di sumo interes tantu serka e ekipo di FC Porto komo Wolverhampton Wanderers ingles.

 

Pero finalmente Pepe lo bira un refuerso importante pa ekipo di  Porto tantu den e Liga portugues na unda nan ta e aktual lider, sino tambe den e kompetishon di Champions League, porsierto na unda den luna di febrüari próksimo nan lo enfrentá e ekipo di AS Roma.