4 hende detené pa tiroteo embahada di Iran na den Haag

56
embahada iraní na Den Haag
DEN HAAG—Agentenan a detené 4 persona djárason durante un manifestashon na embahada iraní na Den Haag segun bosero polisial.

A tira entre otro ku piedra riba e edifisio. E detenshonnan ta relashoná ku disturbio di orden públiko. Algun hende tambe a purba subi heki pa drenta e embahada. Riba imagennan di Telegraaf por a opserva un hende para riba e heki ta zwai ku un bandera. Djamars a bira konosí ku servisionan di inteligensia hulandes i internashonal a hasi Iran responsabel pa dos asesinato politiko na Den Haag ku Almere. E manifestashon a keda anunsia via medianan sosial.