A publiká imagennan di entrenamentu teroristanan

67
sospechosonan ta train ku armanan kalasjnikovs ku chaleko antibala
LIMBURG—Outoridatnan a publiká imagennan di entrenamentu di un grupo di sospechosonan terorista den un kas di vakashon na Limburg.

E sospechosonan a keda detené den septèmber. RTL Nieuws tin e fotonan kaminda e sospechosonan ta train ku armanan kalasjnikovs ku chaleko antibala. E imagennan a keda grabá durante un enkuentro di dos ora entre e sospechosonan terorista ku agentenan undercover den e kas di vakashon na Weert. E agentenan a pasa komo negoshante di arma pa un atake. Den e kas di vakashon polis a skonde kámaranan i mikrofon pa grabashon. E kuater sospechosonan a keda detené pues riba sospecho di terorismo. Segun polis ku Ministerio Públiko a frustrá un atentado grandi ku e detenshonnan. E imagennan ta determinante pa e kaso kontra e sospechosonan segun OM.