Alemania ta ekstraditá sospechoso terorista pa Hulanda

116
Stresemannplaats kaminda a detené un sospechoso terorista
AMSTERDAM—Un di e sospechosonan di terorismo ku a keda detené aña na Mainz Alemania, lo keda ekstraditá otro siman pa Hulanda.

Asina hustisia na Koblenz a konfirmá. E sospechoso ta biba den Rotterdam pero tabata serka su primu na Mainz dia di e detenshonnan 29 desèmber 2018. Mesun dia a detené kuater sospechoso terorista na Rotterdam. Nan tabata prepará un atake terorista. Siman pasa dos di nan a rekobra nan libertat debí na falta di prueba. Ainda no ta konosí unda i kiko presis e sospechosonan tabatin intenshon di hasi. Kambio di aña tambe a detené un hòmber riba sospecho di aktividatnan terorista. El a akumulá informashon riba internet kon pa komete un atake terorista. Polis ta investigando informashon di servisio di inteligensia AIVD si e tabata aktivo den sirkulonan di al-Qaida.