Búskeda di hòmber pèrdí den aria di Playa Kanoa

260
A buska kantu di baranka tambe pero nada.
Willemstad— Ayera den oranan di atardi polisnan huntu ku algun suidadano tabata buska un hòmber den aria di Playa Kanoa ku sigur tin tres dia sin a presentá na kas.

 

Den e kaso aki ta trata di un hòmber piskadó ku sa hasi uso di su baiskel pa asina por Sali for di kas i yega mas fásil den aria di Playa Kanoa pa por a piska na Baranka na e parti nort di Kòrsou. Ya tin sigur algun dia ku no a tuma nota di e piskadó aki ku no a presentá na kas i e piskadónan ku sa piska na Nort tampoko no a mir’é. Ayera algun suidadano ku tabata kanando den aria di Playa Kanoa a bin topa ku e piskadó aki su baiskel pone kantu di un baranka. Mesora a bati alarma i a kuminsá ku un búskeda pa wak si por topa ku e piskadó den e aria pero sin e resultado deseá. A duna un denunsia na Polis i den transkurso di awe polis lo saka e petishon di búskeda di e suidadano aki ku ta pèrdí.