Despues di un reunion ku a duru basta largu Encho i Chkoi a parti Pas

285
Ámbos a demostrá ku Hòmber ku Hòmber no mester ta rabia ku otro.

WILLEMSTAD,—-Ayera tardi a tuma lugá un reunion entre e dos popular kómiko nan ku ta Encho i Chokoi. I mei, mei di nan dos tabata tei Kòrá Faneite ku ta esun ku a yama e reunion entre e dos artista nan, esaki tabata en konekshon di rumor nan ku tabata sirkulá den kaya.

T’asina ku e reunion a dura basta largu, paso ámbos persona tabata tin nan prekupashon nan, i ámbos a trese nan banda di medaya dilanti. Loke ku a sali for di e reunion ta ku for di aña pasa e parti final di 2018 tabatin algun mal komprendementu entre e dos artista nan.

Tur esaki tabata rondó di e obra Chópóchópó kaminda ku Encho tabatin un tremendo presentashon, t’asina ku na momentu ku a sali un flayer ku ta para ariba ku e obra ta bai Hulanda i ku Encho tambe ta bai ku nan, esaki ta loke ku a trese e mal kontentu entre e dos artista nan ariba menshoná.

Pero mester bisa ku ayera tantu Chokoi i Encho tabata hopi profeshonal kon ámbos a atendé ku otro den e reunion. Tambe nos tin ku bisa ku Kòrá Faneite den un forma profeshonal a logra pa ámbos artista pone tur diferensia un banda pa asina nan dos kontinuá ku e trabou ku nan a bin ta hasi éksito na Kanal 13 Televishon Direct. Pues e wikènt aki tur hende por sinta i gosa di “Ban Hari ku Chokoi i Encho”. Esaki ta nifiká ku e laman brutu ku tabatin pa algun dia a trankilisá i bira un laman di Pas i armonia entre e dos aktor nan.