Yegada di e tim di RST pa asina hasi investigashon den e kas.
Willemstad— Den oranan di mainta trempan e tim di aresto a drenta den un kas na Javastraat pa asina RST por a hasi nan investigashon buskando arma.

Di un forma rápido e tim di aresto a logra di drenta den un kas den Javastraat  pa violashon di e  lei di arma di kandela.  E tim di aresto a drenta den e kas i a pone e habitantenan sinta un ratu ketu di manera ku e tim di RST por a drenta i hasi nan investigashon.  Tabatin e informashon ku den e kas mester tin presensia di un òf mas arma di kandela.  A buska i listra rònt e kas unda asta a hasi uso di e kachó di Duana pero na final sin e resultado deseá. A logra di konfiská algu den saku maron pero esaki no tabata dje importante ku mester a bai ku e doño di e kas. Na final e doño di kas mes a Sali splika tur hende ku nada no ta pasando.