Furgell Wijngaarden ta bai defendé su titulo ku Grupo Oriri

85
E ta bai defendé su titulo ku Grupo Oriri den Kantadó Mayó 2019.

WILLEMSTAD,—-E aña aki sin duda Festival di Kantadó Mayó 2019 lo bai ta mas interesante ku nunka. Paso e anda aki e tres biaha ganadó di Kantadó Mayó  Furgell Wijngaarden ta bai defendé su Sombré ku Grupo Rítmiko Krioyo Oriri.

E informashon aki nos a hañ’é serka di un fuente ku ta hopi serka di tantu e kantante Furgell i tambe gerente di Grupo Oriri ku ta Dj Danger. Tambe nos a komprendé ku Grupo Oriri ta bai partisipa ku 5 kantante, pero esaki por bira seis. E dia nan di e festival ariba menshona ta 26,27,28 i 30 di mart binidero.

Tambe nos a keda pone na altura ku tin un kantante hopi popular ku tambe ta bai partisipá ku Oriri, no ta un sekreto ku Dj Danger ta tuma partisipashon di Grupo Oriri hopi na serio esaki e la bin demostrá aña pasa kaba, i awor e aña aki e ta bai ku sigur un di e kantante ku ta keda rekonosé komo Boy Dap pero den Kantadó Mayó ku ta Furgell Wijngaarden.