Gabinete ta reservá 75 mion pa fondo di agrikultornan

52
75 mion pa garantisá futuro agrikultura
DEN HAAG—Agrikultornan hóben i otro agrarionan mester por haña fiansa mas fasil pa start un kompania i invertí den inovashon.

Ku un areglo nobo gabinete kier sigurá ku ta garantisá produkshon di alimento pa futuro. Segun e minister di Agrikultura agrikultornan nobo ta para dilanti desishonnan grandi. Gabinete kier yuda nan den tuma e bon desishonnan segun e minister a skirbi Tweede kamer. E areglo di garantia VVK mester hasi mas atraktivo pa hasi fiansanan na agrikultornan hóben. Gabinete ta para garantia pa un total di 75 mion euro. Di e suma 11 mion ta destiná pa trayekto di entrenamentu i coaching den benta di kompanianan agrikultor. Esaki mester hasi traspaso mas fasil. Pa bini na remarke pa e areglo e agrikultor mester presentá un plan di invershon ku inovashon ku aksentonan duradero. Asina ta wak e sistemanan ekologiko, klima, bienestar di animal, alimento i vitalidat di tera. Den 2017  Hulanda a konta ku 55.000 kompanianan chikí di agrikultura, un bahada di 56% kompará ku aña 2000. Hopi agrikultor no tin remplasante. E ministerio a kalkulá ku e siguiente dos desenia un kantidat di 20.000 kompania ta den peliger di sera.