Willemstad – A bira un tradishon pa sera aña na un manera festivo ku e Kampaña di fin di aña i gradisí tur e klientenan pa nan konfiansa i lealtat”, segun Herbert van der Woude, CEO di Kooyman.

“For di fin di novèmber kada kliente a risibí lòt na kompra di 75,- florin of mas, ku a dun’é chèns pa gana un di e tres premionan fabuloso. Hopi kliente a partisipá. E Kampaña di fin di aña a tuma lugá na e filialnan di Kooyman na Bonaire, Aruba i St. Maarten tambe, kada isla ku su mes ganadónan.

Ayera meskos ku e último 5 añanan, durante un seremonia festivo Kooyman a anunsiá e ganadónan di e Kampaña di fin di aña. Fakansi na Santo Domingo, un Bose Sound System i un Kooyman Gift Card di 250 florin a ser ganá dor di Onno Soetekouw, L .F. Doria Mora i Fabiola Marcos.  Kooyman ta yama nan pabien i ta deseá ku nan lo gosa hopi di e premionan ku nan a gana.

“Gustosamente ke gradisí tur kliente pa e konfiansa ku nan a duna na e empresa den 2018. Den 2019 Kooyman lo ta para kla atrobe pa sirbi tur hende mas mihó posibel.”