Hòmber di dualu riba kaminda pa bai Bullenbaai

224
Willemstad— Polis i tambe ambulans mester a bai riba e kaminda ku ta dirigí pa Bullenbaai pa un hòmber ku herida na su kabes ku tabata sangra.

Den oranan trempan di mainta a pidi asistensia di  Polis riba e kaminda pa bai Bullenbaai pa un vehíkulo stashoná riba kaminda. Polis ku a bai na e sitio a bin topa ku un hòmber drumi den e vehíkulo ku un herida na su kabes. E hòmber no  por a splika kiko a pas’é i tabata kompletamente for di aire. No masha leu for di e vehíkulo a bin topa ku yabi di e outo benta. A pidi presentá di ambulans pa asina e víktima por a haña asistensia. Ta sospecha ku e víktima aki a keda sekuestrá, atraká i maltratá. E kaso ta den investigashon.