Kassav a bai kome ayera na Komedor Krioyo

267
Momentu ku Minister Alcalá Wallé ta entrega músikonan di Kassav e plakat.

WILLEMSTAD,—-Ayera den ora nan di atardi tur e músiko nan di Kassav a bai dal nan kome den e restorant krioyo ku ta karga di nòmber Komedor Krioyo. Di informashon ku nos a risibí ta bisa ku práktikamente tur e músiko nan di Kassav a dal nan bon Piska ku Funchi.

Tambe nos a haña informashon ku gerente i personal di Komedor Krioyo a trata a artista nan internashonal manera ku un Bon Yu di Kòrsou sa hasi esaki semper, ku hopi rèspèt i Amor pa no kaba, tambe nos tin ku bisa ku presidente di Fundashon J.A.G. i Minister Alcalá Wallé tambe a kome huntu ku músiko nan di Kassav.

Mas despues Minister Alcalá Wallé na nòmber di Gobièrnu di Kòrsou a hasi entrega di un Plakat na agrupashon musikal Kassav, ayera den ora nan di anochi músiko nan di Kassav a bandoná Kòrsou, ku hopi rekuerdo bunita ku nan a haña serka nos hende nan.