Minister Ollongren kier kombatí froude den intermediashon di bibienda

54
intermediarionan ta komete froude pa yuda kliente haña kas
DEN HAAG—Minister Ollongren kier fasilitá korporashonnan di bibienda pa nan mes kontrolá informashon di entrada pa esnan ku ta buska kas.

Esaki mester kombatí praktikanann froudulento asina el a kontesta preguntanan di Tweede Kamer di tantu PVV komo PvdA. E preguntanan a keda hasi den kuadro di notisianan di buronan di intermediashon ku ta falsifiká dokumentonan pa yuda hende na kas. Ta trata di informashon pa kambia salario pa yuda klientenan. Korporashonnan di bibienda ta meldu regularmente ku nan ta duda di e informashon ku nan ta haña. Ollongren a skirbi Kamer ku diferente buro probablemente a falsifiká dokumentonan pa duna hendenan kas social sin ku nan tabatin derecho. Minister ta haña e forma di froude aki inaseptabel. Ministerio Asuntunan Interno ta investigando si korporashonnan mes por atende ku e informashon serka Belastingdienst of UWV den futuro. Pero esaki ta huridikamente i teknikamente kompliká. Kuantu bibienda presis a keda otorgá a base di deklarashonnan falsu no a keda determiná ainda. Pero si result ku tabatin froude ta kibra e kontrato di hur. OM a start investigashon den e kasonan.