Temblor di magnitut 5 ta sakudí dos region na Chile

110
Esaki no a laga dañonan di seriedat na e sitio unda el a keda sintí.

SANTIAGO DE CHILE – Un temblor di magnitut 5 riba skala di richter ku episentro na nort di Chile a keda sintí na dos region, Arica i Parinacota i Tarapacá, sin kousa víktima òf dañonan di konsiderashon.

E sakudí di tera aki a keda registrá na 10.44 di djaluna i su episentro a keda lokalisá na 43 kilometer sùitost di e lokalidat di Camiña, na kasi 2 mil na nort di Santiago, serka di e frontera ku Perú i Bolivia.

E temblor aki a keda produsí na un profundidat di 104.2 kilometer, segun loke a keda informá pa Sentro Di Temblornan di e Universidat di Chile.

Segun e Ofisina Nashonal di Emergensia, e temblor aki a keda sintí ku un intensidat 4 riba skapa di richter di Mercalli na e lokalidatnan di Codpa i Cuya, den e regionnan ariba menshoná.

E temblor aki ta esun mayor registrá na e lugá aki den algu mas ku 24 ora, ya ku djadumingu a produsí otro den oranan di atardi di 4.9 grado i seguidamente den mardugá tabatin otro menor di 3 grado.