Tráfiko di droga tabata aparente motibu di tiroteo registrá na Playa del Carmen

105
E insidente a pone fin na bida di 7 persona.

CIUDAD DE MEXICO – E tráfiko di droga, kalifiká na México komo ‘narkomenudeo’, ta keda mustrá komo e mobil prinsipal di un atake armá registrá den un bar di un Playa del Carmen, na México, kua a laga saldo di shete morto.

E atake aki aparentemente lo a keda registrá debí na un delitu relashoná ku e mundu di droga. Aunke ku a konsiderá prematuro pa sa e motibu presis, tur kos ta indiká den e direkshon aki.

E echonan aki a keda registrá poko despues di 8or di anochi di djadumingu último, den e bar Las Virginias. Esaki tabatin un total di masoménos 40 persona den su interior na momentu ku e insidente a keda registrá.
Segun testigunan, hòmbernan kara tapá a lòs bala kontra algun persona i despues a hui for di e sitio, aparentemente tur den e mesun vehíkulo.