Ladronnan ta basha menor di edat ku gasolin i menasá di kim’é

100
E hòmbernan a menasá di kima tantu mama, yu komo e bibienda.

TASMANIA – Dos hòmber a drenta den oranan di djárason último den un bibienda na Launceston, na nort di Tasmania, i aki a basha un mucha hòmber di dos aña di edat ku gasolin i menasá di sende esaki na kandela dilanti di su mama.

E mama, di 23 aña di edat, tambe a keda bashá ku gasolin i mester a keda trasladá pa un sentro médiko despues di sufri komplikashon debí na e gasolin. Esaki miéntras ku e menor di edat a resultá heridá.

E atakantenan, kende nan tabata ku nan karanan tapá, a drenta den e bibienda na alrededor di 7or. Outoridatnan ta kere ku nan tabata en buska di otro dos persona i na momentu ku nan a deskubrí ku esaki nan no tabata biba aki, a menasá ku kima e mama, e yu i tambe e bibienda.

Finalmente esaki nan a sali for di e bibienda ku un suma di plaka kèsh i a bai for di e sitio.