Otrabanda-  Vigilante  a tuma nota di un situashon basta ferfelu ku tin na altura di Brionplein. Esaki ta un plas  di awa ku ta keda para altura di e lugánan di stashona ku tin na Brionplein.

Hopi ta esnan ku ta kustumbrá stashoná  na e sitio aki no por hasi esaki debí na e situashon aki. Vigilante  a tuma nota ku e kaminda no ta pareu I esaki ta pone ku e awa aki ta keda para i opstakulisá e parkermentu di vehíkulonan na e sitio aki. E awa ku ta keda para aki pa algun dia ta trese un holó stinki den e área i mirando ku tin restorant i hopi hende ta frekuentá riba Brionplein esaki no ta agradabel. Ta spera instanshanan konserní tuma akshon pa asina remediá e situashon ferfelu aki.