Mas outo hòrtá lagá atras riba e vèlt di Vi Jansen

97
Willemstad— E vèlt di Vi Jansen ku ta keda na Veeris ta e sitio ku últimamente diferente outo hòrtá ta ser laga atras despues ku kita piesa for di esakinan.

Un biaha mas Polis mester a bai den e aria di Veeris pa ta mas eksakto na altura di e  vèlt di bala Vi Jansen pa otro vehíkulo prosedente di ladronisia. E biaha aki Polis a bin topa ku un vehíkulo di e marka Hyundai ku den oranan di mardugá a ser hòrtá i ya den oranan di mainta a kita basta piesa for di esaki.

Polis a laga konfiská e vehíkulo bai warda kuné pa asina por kontinuá ku e investigashon. Tin ku bisa ku e vèlt di bala Vi Jansen i tambe e aria di Veeris ta e sitionan unda últimamente mas vehíkulo hòrtá a ser haña.