Mucha di 5 aña disfrasá di super héroe ta fayesé despues di kai for di 10 piso

130
Outoridatnan hasiendo investigashon na e sitio di e insidente.

SANTIAGO DE CHILE – Un mucha hòmber di apénas sinku aña di edat a kai for di dies piso di un edifisio den sentro di Santiago de Chile den oranan di djamars último. Esaki a keda den un situashon poko kritiko pa algun ora, pero despues a bin fayesé na e sentro médiko unda el a keda transportá pe.

Segun e testimonio di algun bisiña, e menor di edat tabata disfrasá ku un trahe di super héroe. Esaki a alkansá na grita na vários biaha e nòmber di su tata, promé ku el a kai den bashí.

Un testigu a sigurá na un kanal di televishon ku e chikitin víktima, tabata kologá basta ratu te na momentu ku lamentablemente ya e no por a wanta mas.

Esun enkargá ku e edifisio a agregá ku outoridatnan afortunadamente a sa di aktua di forma inmediato i a bai ku esaki den un patruya te na e Hospital di Urgensia Asistensia Públiko , unda dòkternan a atendé esaki debidamente pero debí na e slanan risibí, el a bin fayesé.

Segun e promé investigashonnan hasí den e kaso aki, e mama di e menor di edat tabata den baño na momentu ku e insidente teribel aki a keda registrá.

E bosero polisial di e estado a indiká na medionan di komunikashon ku e echo aki ta unu aksidental, aunke ku ta investigando e kousanan di e kaida di e menor di edat. Te ainda ningun miembro di famia di esaki no a duna un deklarashon relashoná ku e echo.

E sikólogo Daminique Karalhanian di e Universidat Mayor de Chile, a indiká na un kanal di televishon di e pais ku den kaso di menornan di edat, mester ta hopi kuidadoso, prinsipalmente ku esaki nan ta krese ora ku mayornan ta kuminsá laga lòs. Pero muchanan entre 4 i 7 aña ta kore un gran rísiko, ya ku esaki nan tin hopi kuriosidat.

E fiskal Silvia Jaramillo, kende a yega na e sitio di e suseso, a verifiká e falta di protekshon na e balkon di e di dies piso, unda e menor di edat pa un motibu òf otro a kai.